Waqt hai dost , guzar hi jayega.

Soon-saan raste , aur tang hai galiya.

Maidan hai veeran , kahan hai kilkariyan..

Khauff ka mahaul hai, dar raha har insaan .

Kal tak gale lagte the , aj choone se pareshan.

Ya kuch dekhne me bhool hui..

Raste soon-saan zarur hai, apne to kareeb hai.

Ghar ban chuka maidan , kilkariyan b paas hi hai.

Haath na mile to kya hua , dil to aj b milte hi hai..

Baagon me na gaye to kya, ful to ghar par bhi khilte hi hai

Jeene ka tarika badal, kuch kahaniya suna , kuch geet gunguna ya shayar hi ban ja.

Kal tu hi kahega fir ki ghar hi achha tha, kitne arse k baad main bhi ek baccha tha..

Dil laga par dil se mat Laga.. waqt hai ise guzarna hi padega..

Na abhi rok paya hai, na tab rok payega.

Fute pyale me jaam peena hai tujhe , gira de ya pe le.. rokne ki koshish mat kar, tere haath nahi ayega..

Waqt hai dost , guzar hi jayega..

Leave a Reply

Your email address will not be published.