Bachpan

Teri ungli pakad k chalu, tere liye fir ghoda banu…

Sunau kahaniya tujhe , tere liye khud ek kahani banu..

Raat bhar tu jagaye mujhe , din me fir sataye mujhe…

Kuch ansuni si loriya likhu , main hi Tera jhula banu…

Ek naya ehsas laya hai tune, fir bachpan yad dilaya hai tune…

Jee lu fir se iss bachpan ko, zindagi ka ek naya rang dikaya hai tune…

Befikr, azad to bahut jee liya tha main, ab darne me maza aane laga… Choti c har cheez ko main, pehle khud pe azmane laga…

Dekh k ye masoom sa chehra tera, kuch dar bhi mujhe satane laga…

Pata hai har chott se nahi bacha sakta tujhe, duniya k jhamelo se nahi chupa sakta tujhe…

Par fir bhi fizul koshishe hazar karta hu, kya karu baap hu bas pyar karta hu…

Jhagda bhi har baar karunga main, lad kar bhi tujhse haar lunga main, par aage ki ladai tujhe khud hi ladni hai, kitni bhi lambi ho chadhai khud hi chadhni hai..

Main to bas tujhe ladna sikhana chahta hu, Utha paye tu awaz sahi k liye is kaabil tujhe banana chahta hu..

Maa to teri mujhse bhi jyada darti hai , din ho ya raat bas teri hi fikr karti hai… Har baar mujhe jhagda karti hai, fir khud hi fikr me roti hai…

Sehem jati thi jo duniya ki baato se , kya pata kaha se ab duniya se ladne ki himmat rakhti hai… Har cheez seh leti hai ,par teri ek choti c chott se darti hai..

Seekhya to tune bhi bahut hai hume , Dheeraj bhi tujhi se aya hai hume, bade to hum ho gaye the, par ladki-ladke se maa-baap banaya hai hume …

Tera rasta tu khud hi chunega, sahi galat ka fark bhi janega… Yad rakhna ek awaz humesha tere saath hogi, teri andar hi hogi, bahut paas hogi…

Dobara bachapan ko jeeyega tu bhi, maa-baap bante hi fir baccha banega tu bhi… Bas us bachpane me kuch fikr bhi hogi, ane wale kal ki ek leher bhi hogi…

Ab zimedariya teri hogi, aur zidd kisi aur ki hogi…

Dedicated to all the parents and their children.

Leave a Reply

Your email address will not be published.